64 настай эмэгтэй 5 сарын өмнөөс нүд өвдөж гэрэл харж чадахгүй болон 2 нүдэнд юм орчихсон мэт мэдрэмж төрөх болжээ. Харааг шалгахад хоёр талдаа ижил 20/25, биомикроскопийн үзлэгээр алимны салстын гипереми, эвэрлэгийн эпител давхаргын эрози болон эвэрлэгийн эндотелийн нугларал илрэв. Онош аль нь вэ? 

1. Мууранд самардуулах (Cat scratch disease)
2. Шегрений хам шинж (Sjögren's syndrome)
3. Трахома (Trachoma)
4. Бешетийн өвчин (Behçet's disease)
5. Тархмал хатуурал (Multiple sclerosis)

Зөв хариулт 2

64 настай эмэгтэй 5 сарын өмнөөс нүд өвдөж, гэрэл харж чадахгүй болон 2 нүдэнд юм орсон мэт мэдрэмж төрөөд байгаа тул ревматологийн тасагт үзүүлэхээр иржээ.Асуумжаар ойролцоогоор 20 жилийн турш нүд, ам хатах зовиуртай ямар нэгэн онош, эмчилгээ байхгүй явжээ. Харааг шалгахад хоёр талдаа 20/25, биомикроскопийн үзлэгээр алимны салстын гипереми, эвэрлэгийн эпител давхаргын эрози болон эвэрлэгийн эндотелийн нугларал байсан нь хоёр нүдэнд салст болон эвэрлэгийн хуурайшилт илэрсэн (Зураг А болон В). Цаашид флуоресценц хийж харахад эвэрлэгийн гэмтэл байгаа нь тодорхой болов (Зураг С болон D [ногоон хэсэг]). Ширмерийн сорил хийхэд нулимсны ялгарал багассан, серологийн шинжилгээнд ANA титр 1:160, Ro52 эерэг, ревматоид фактор 66 оун/мл (хэвийн хэмжээ <20 оун/мл) байсан тул Шегрений хам шинж гэх оношийг батлав. Улмаар нүдний зовиурт циклоспорин А-тай тос хиймэл нулимс дусаах эмчилгээ хийхэд 2 сарын дараа зовиурууд намдсан.

Эх сурвалж : NEJM Image challenge