Дан хөхөөр хооллодог 4 сартай эрэгтэй нярай 6 долоо хоногийн өмнөөс биеэр нь тууралт гарч даамжраад байгаа тул эмнэлэгт ханджээ. Үзлэгээр тархмал улаан гуужсан туурал гарсан байв. Онош аль нь вэ?

A.   Атопик дерматит (Atopic dermatitis)

B.   Цэврүүт эпидермолиз (Epidermolysis bullosa)

C.   Стивенс-Жонсоны хам шинж (Stevens-Johnson Syndrome)

D.   Цайрын дутагдал (Zinc deficiency)

E.    Халдварт гөвдрүү (Erythema infectiosum)

Зөв хариулт D

Дан хөхөөр хооллодог 4 сартай эрэгтэй нярай 6 долоо хоногийн өмнөөс биеэр нь тууралт гарч даамжраад байгаа тул эмнэлэгт ханджээ. Үзлэгээр тархмал, зах хязгаар нь тодорхой, гуужсан гөвдрүүт тууралт хэвлий (Зураг А), гар (Зураг В), хөл, бөгс, нүүр, хуйх гэх мэт заргаар тархсан байв.Үзлээр өөр ямар нэгэн мэдэгдэх өөрчлөлт байхгүй, өсөлт бойжилт хэвийн. Арьснаас биопси авч шалгахад жигд бус ортокератоз болон паракератоз илэрсэн ба мөхлөгт эсийн давхарга багассан, өнгөц эпидермийн давхаргын кератиоцит бүдгэрсэн зэргээс цайрын дутагдал гэж үзэхээр байв. Лабораторийн шинжилгээ хийж үзэхэд цайрын хэмжээ 226 μгр/л (3.5 μмол/л) (хэвийн хэмжээ 600-1200 μгр/л [9.2-18.4 μмол/л]) байсан нь цайрын дутагдлаас үүссэн дерматит гэх оношийг батлав. Цайрын дутагдал бол эмчилхэд хялбар бөгөөд атопик дерматит, импетиго болон бусад экзем төст арьсны эмгэгүүд гэж үзээд эмчилгээнд үр дүн муутай байгаа тохиолдлуудыг харгалзан үзэх хэрэгтэй. Энэ тохиолдлын хувьд эхийн сийвэн дэх цайрын хэмжээ хэвийн байсан тул шалтгаан нь тодорхой бус үлдсэн. Цайрын нэмэлт бэлдмэлийг 5 хоног уулгахад бүрэн эдгэрсэн.Цаашид цайрын бэлдмэлийг нэмэлтээр уулгасан ба 1 жилийн дараа гэхэд дахиж арьсны тууралт гараагүй.

Эх сурвалж: NEJM Image challenge